serverin.biz
Gündəm Xəbərləri - RSS
Bu gün Bakıya qar yağacaq
Bu gün Bakıda və Abşeron yarımadasında buludlu hava şəraitinin üstünlük təşkil edəcəyi, gün ərzində arabir yağış yağacağı, axşama doğru bəzi yerlərdə intensivləşəcəyi, sulu qara keçəcəyi gözlənilir. Şimal-şərq küləyi əsəcək, arabir güclənəcək. Ekologiya və Təbii Sərvətlər Nazirliyinin (ETSN) Milli Hidrometeorologiya Departamentindən XEBER.INFO.AZ-a verilən məlumata görə, havanın temperaturunun Bakıda və Abşeron yarımadasında gecə 1-3, gündüz 4-6 dərəcə isti olacağı gözlənilir. Atmosfer təzyiqi normadan yüksək 770 mm civə sütunu, nisbi rütubət 80-90 faiz təşkil edəcək. Azərbaycanın rayonlarında yanvarın 26-da duman olacağı, arabir yağış, bəzi yerlərdə sulu qar, qar yağacağı, ayrı-ayrı yerlərdə intensiv olacağı gözlənilir. Şərq küləyi əsəcək, bəzi yerlərdə arabir güclənəcək. Havanın temperaturunun gecə 2 dərəcə şaxtadan 3 dərəcəyədək isti, gündüz 4-7 dərəcə isti, dağlarda gecə 3-8, gündüz 0-3 dərəcə şaxta olacağı gözlənilir. Yanvarın 26-27-də Abşeron yarımadasında arabir güclənən xəzri küləyi fonunda yağıntılı hava şəraiti meteohəssas insanlar üçün əlverişsizdir. ETSN xəbərdarlıq edir ki, yanvarın 26-sı gündüzdən 27-si axşamadək Bakıda və Abşeronyarımadasında arabir yağış yağacağı, bəzi yerlərdə intensiv olacağı, yağışın sulu qara, qara keçəcəyi gözlənilir. Şimal-şərq küləyi əsəcək, arabir güclənəcək. Havanın temperaturu 3 dərəcəyədək aşağı enəcək.
Nikah müqaviləsi məcburi ola bilməz
Milli Məclisin Ailə, qadın və uşaq məsələləri komitəsinin ötən gün keçirilən iclasında boşanmaların qarşısının alınması üçün nikah müqaviləsinin məcburi edilməsi təklif edilib. Bildirilib ki, Azərbaycanda boşanmaların sayı çoxalıb, bunun qarşısını almaq üçün nikah müqaviləsi mütləq lazımdır. Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov deputatların nikah müqaviləsinin məcburi olması ilə bağlı təklifinə münasibət bildirib. Komitə rəsmisi AzVision.az-a bildirib ki, nikah müqaviləsinin məcburilik formatına keçirilməsi mümkünsüzdür. Onun sözlərinə görə, bu, beynəlxalq praktikaya, milli qanunvericiliyə, həm də bütün normalara əsasən mümkün deyil.  “Boşanmaların azaldılması ilə bağlı bu səpkidə digər addımların atılması mümkündür. Müqavilədə digər məqamların açılması, onların məsuliyyətə cəlb edilməsi, nikaha daxil olanda tərəflərə tövsiyyə xarakterli məlumatların təqdim edilməsi qeyd edilə bilər. Bunlar bəzi hallarda psixoloji məqamları nəzərə alaraq sığortalamaq məqsədilə boşanmaların müəyyən faizini azalda bilər. Lakin nikah müqaviləsi daha çox iki tərəf arasında əmlak hüquqlarını və hüquqi tənzimləməni, yaşayış yeri, ailənin və uşaqların təminatını müəyyən edir. Nikah müqaviləsinin formatı daha böyük məqsəd daşıyan amildir, nəinki boşanmaların sayının azaldılmasına təsir edən sənəd. Nikah müqaviləsinin məcburi olması mümkünsüzdür”.  E.Səfərov qeyd edib ki, vətəndaşın konstitusion hüquqi var ki, nikahda olan şəxslə yaşasın və ya yox. “Heç kim bunun qarşısını ala bilməz. Biz yalnız stimullaşdırıcı addımlar nəzərdə tuta bilərik. Məsələn, boşanmanın qarşısının alınması üçün maarifləndirmə tədbirləri görülməlidir. Bununla bağlı ayrıca tədbirlər planı qəbul edilməlidir. Problemin qarşısının alınması üçün dövlət qurumları bu sahədə stimullaşdırıcı addımlar atmalıdır ki, nikahların sayı artsın, boşanmaların sayı azalsın. Nikaha daxil olanda məsuliyyətin dərinliyini hiss etməsi üçün gənclərə ailə təlimlərinin keçirilməsi vacibdir. Bu, imkan verəcək ki, həmin gənclər məsələyə daha məsuliyyətlə yanaşsınlar.  Ailədə məişət zorakılıqları olarsa, tərəflər psixoloji yardıma yönəldirə bilər ki, hadisə təkrarlanmasın və boşanmaya gətirib çıxarmasın. Sosial problem varsa, aradan qaldırılması üçün addımlar atılmalıdır. Ailədə tərəflərin bir-birini başa düşmək problemi olanda, daha çox psixoloq yardım edə bilər. Boşanmanın qarşısının alması üçün preventiv addımlar atıla və məsləhət xararakterli sənədlər qəbul edilə bilər”.  Komitə rəsmisi qeyd edib ki, boşanma ərəfəsində olan ailəyə psixoloji yardım etməklə müəyyən faiz boşanmanın qarşısını almaq olar. Lakin nikaha daxil olan gəncləri psixoloji təlimlərə göndərməklə onların bu məsuliyyətə hazır olub-olmadıqları müəyyən etmək mümkündür. “Onlar ailə qurmağa hazır olub-olmadıqlarını bilməli, məsuliyyət hiss etməlidirlər. Araşdırılmalıdır ki, bu, bir ay ərzində tanışma və ya internet görüşməsindən gələn qərardır, yoxsa yob? Biri var ki, tərəflər nikaha daxil olana qədər hər hansı problemi həll edə bilirlər, bir-birilərinə can deyib, can eşidirlər. Biri də var, nikaha daxil olurlar və birinci problemlə rastlaşırlar və 3 ay, 7 ay sonra boşanırlar. Belə olan halda ailənin saxlanılmasına diqqət edilir. Tərəflərin birgə yaşayışı mümkünsüz olursa, o zaman sülh şəraitində ayrılmaları əsas götürülür. Uşaq varsa onun proseslərdən təsirlənməməsi ən vacib məqamlardan olur”.
« geriirəli »

Köşe Yazarları
 ‹ 
 › 

Arxiv Axtarın
- -
Sorğular
Saytimiz necedi xosunuza gelir?
Super
Eladi
Normal
Yenilensin

yeni xeberler,xeber oxu,xeberler,maraqli xeberler
© Copyright 2013 yeni xeberler,xeber oxu,xeberler,maraqli xeberlerDiqqet!! saytda yayimlanan her bir melumatlara gore saytin sahibi mesuliyyet dasiyir m
GÜNDEM
SPOR
SİYASET
EĞİTİM
DÜNYA
2 3 4 5 6