serverin.biz
Digər Xəbərləri - RSS
Bu bürcdən uzaq durun - yoxsa...
Qismətin kimi qarşımıza çıxaracağı və kimə aşiq olacağımızı deyə bilmərik. Ancaq bəzi bürclərin sevgi münasibətləri başlamadan bitməyə məhkumdur. Əsla birlikdə ola bilməyən və yola getməyən bürclərlə sizi tanış edirik. Qoç-Buğa Dikbaş qoçlar və inadçı öküzlərin uyğunlaşmasından bəhs etmək olmaz. Aralarındakı hər hansı bir müzakirə bir anda alovlana bilər. Ayrılıqları isə olduqca problemlidir. Qız-Tərəzi Tərəzilər qızları özündənrazı və çox ciddi hesab edirlər. Qızlar isə tərəziləri uşaq kimi və əsəblərə toxunacaq dərəcədə qayğısız kimi tanıyırlar. Bu vəziyyətdə təəssüf ki, əks qütblərin bir-birlərini cəlb etməsi mövzu deyil. Bununla yanaşı tərəzilərin kiçik və qapalı dost əhatəsi olduğu halda, qızlar tam mənasıyla ictimai insanlardır. Xərçəng-Dolça Dolçalar özlərini sevindirməyi və pul xərcləməyi çox xoşlayırlar. Yeni işə başlamaq və yenilənmək dolçalar üçün problem deyil. Azad ruhlu dolçaların bu vəziyyəti axışına buraxmayanlar üçün olduqca narahatlıq yaradır. Xərçənglər də axışına buraxmayanlar arasında ilk sırada yer tutur. Dolçaların bu davamlılığı xərçənglərin əsəblərinə toxunur. Tərəzi-Balıq Bu ikisi qərarsızdır. Onların hər hansı bir şeyə qərar verməsi bir ömür sürə bilər. Gah irəli, gah geri addımları münasibətlərini daha stressli hala gətirir. Tərəzilər də, balıqlar da anlaşılmazlıqlardan nifrət edirlər. Buna görə də aralarında passiv aqressiv mübarizələr və ünsiyyət problemi qaçılmazdır. Passiv təbiətləri bir-birlərindən qaçmalarına səbəb ola bilər. Oxatan-Oğlaq Oxatanlar oğlaqların özlərini əylənməkdən məhrum etdiklərini düşünürlər. Ciddi və məsuliyyət sahibi olan oğlaqlar ilə heç nəyə əhəmiyyət verməyən oxatanların bərabərliyi ana-uşaq münasibətlərinə çevrilə bilər. Əqrəb-Qoç İki azad bürcün bərabərliyi qulağa xoş gəlir. Seksual iki bürcün bir-birinin sahələrinə müdaxilə etməmələri əvvəl-əvvəl xoşlarına gələ bilər. Təəssüf ki, münasibətlər mövzusunda bu, çox uzun müddət davam etmir. Eyni zamanda, qısqanc olan əqrəblər müəyyən vaxtdan sonra reaksiya verməyə başlayacaq. Bu səbəbdən də ikili arasında güvən problemləri və ünsiyyət qırılmaları özünü göstərəcək. Balıq-Qız Balıq bürcündən olanlar romantik strukturları və başlarının daim "göylərdə" olması ilə tanınır. Buna qarşı qızlar ayaqlarını yerə basan və məntiq simvoludurlar. Qızların hər şeyin nizamlı və mütəşəkkil olmasından xoşları gəldiyi halda, balıqlar bu mövzuda daha rahatdırlar. Tərəzi-Oğlaq Olduqca səxavətli olan tərəzi bürcü insanları xoşbəxt etməkdən xoşlanır. Dik başlı oğlaqlar isə zamanla bir az çox iarəli odla bilərlər. Oğlaqlar tərəzilərin yaxşı niyyətindən faydalanaraq mənfəətçi davrana bilərlər. Bununla yanaşı tərəzilər məsafəli oğlaqlara heç bir zaman tamamilə çata bilmirlər. Buğa-Şir Şirlər geniş dost əhatəsində olmağı sevir. Ev həvəskarı buğalar isə bir neçə yaxın dostu ilə vaxt keçirməyi xoşlayır. Orta yolu tapmaları çox mümkün olmayan şir və buğalar - ikisi də çox qürurlu olduqları üçün bir-birilərindən üzr də istəmirlər. Əkizlər-Əqrəb Bu iki bürcün yataqdakı uyğunlaşmaları mükəmməl ola bilər. Ancaq ayrılıqları qaçılmazdır. Mövzu əqrəblərin duyğularına gəldikdə olduqca dürüst və sözü üzə deyəndirlər. Əkizlər bürcü dərin, bitib-tükənməyən söhbətləri sevmirlər. Sahiblənən əqrəblərin qısqanclığını əkizlər əhəmiyyətli hesab etmirlər.(lent.az)
Ermənilərdən Avropaya şikayət - “Sarkisyan yalançı, narkomandır”
Ermənistan prezidenti Serj Sarkisyanın Fransaya səfəri başlayıb. Onun Parisdə Fransa prezidenti Emmanuel Makronla görüşü nəzərdə tutulub. Bundan əlavə Sarkisyan Paris meri Ann İdalqo, senat rəhbəri Jerar Larşe ilə görüşəcək.    24 yanvarda isə Sarkisyan Strasburqda Avropa Şurasının Parlament Assambleyasının (AŞPA) qış sessiyasının iclasında iştirak edəcək. O, iclasda çıxış edəcək və deputatların suallarını cavablandıracaq.   Sarkisyan Avropa Şurasının baş katibi Torbyorn Yaqland, Avropa İnsan Haqları Məhkəməsinin sədri Qido Raymond, “Hüquq yolu ilə demokratiya” Avropa Komissiyasının (Venessiya komissiyası) sədri Canni Bukikio və AŞPA-nın yeni seçilən prezidenti ilə görüşlərə qatılacaq.   "Erməni dirçəlişi" ümumerməni təşkilatının Paris ofisinin nümayəndəsi, Fransa vətəndaşı Şant Voskerçyan erməni KİV-lərinə verdiyi müsahibədə bildirib ki, Sarkisyanın səfərini diqqətdənkənar və nəticəsiz qoymayacaqlar. Etiraz aksiyaları olmayacaq, bu dəfə siyasi görüşlər keçirməyə qərar veriblər.    Voskerçyan bildirib ki, artıq onlar Sarkisyanın görüşləri nəzərdə tutulan bütün təşkilat və rəhbər şəxslərə fransız və ingilis dillərində açıq məktublar göndərilib. Onlar müraciətlərində Ermənistanın hələ də sovet təsirindən xilas ola bilmədiyini, insan haqlarını kobud şəkildə pozmağa davam etdiyi və nəzərdə tutulan görüşlərdən narahatlıqlarını ifadə ediblər.    Məktubda qeyd edilib ki, 3 milyon əhalisi olan bir ölkədə 100-dən artıq siyasi məhbus olması normal hal deyil. 2016-cı ildə ayrı-ayrı şəxslərin guya dövlət çevrilişi cəhdində ittiham edilərək məhkəmələrə verildiyinə diqqət çəkilib.    Fransa dövlət qurumlarına, Avropa təşkilat rəhbərlərinə edilən müraciətdə Sarkisyanın qanuni yolla prezident seçilmədiyi, konstitusiyanı zorla dəyişdirərək cinayətkar bandası ilə hakimiyyətdə qaldığı vurğulanıb.   Sarkisyanın yalançı, narkoman, gülünc oyunçu olması müraciətdə xüsusilə diqqətə çatdırılıb. Bundan əlavə Sarkisyanın apreldə baş nazir olacağı, Londondakı adamını ölkəyə prezident gətirməsinin sosial partlayışa səbəb olacağı, nəticədə Sarkisyan və bandasının tarixin zibilliyinə düşəcəyi nəzərə çatdırılıb.(azvision.az)
Ermənistanda prezident - baş nazir qarşıdurması baş verə bilər
Ekspertlərdən işğalçı ölkədəki prezident seçkiləri ilə bağlı ilginc təhlillər “Ermənistanda hakimiyyətdə struktur dəyişikliyinə hazırlıq gedir. Prezident Serj Sərkisyan prezident kürsüsündən baş nazir kürsüsünə keçmək istəyir. Sərkisyanın məqsədi hakimiyyətinin ömrünü mümkün qədər uzatmaqdır”. “Atlas” Araşdırmalar Mərkəzinin rəhbəri, politoloq Elxan Şahinoğlu Ermənistanda mart ayında keçiriləcək prezident seçkiləri ilə bağlı “Yeni Müsavat”a açıqlamasında bunları bildirdi. Ekspert xatırlatdı ki, artıq Ermənistan Konstitusiyası dəyişib və bu ildən əsas fiqur prezident yox, baş nazir olacaq: “Sərkisyan məhz elə bu məqsədlə sözəbaxan prezident axtarışında Ermənistanın Böyük Britaniyadakı səfiri Armen Sərkisyana üstünlük verib. Hakim partiya həmin şəxsi prezident seçdirəcək”. Ancaq E.Şahinoğlu hesab edir ki, gələcək prezident ssenarini poza da bilər: “Məsələn, Gürcüstanda hakim partiya istədiyi şəxsi prezident kürsüsündə otuzdurdu. Ancaq Gürcüstan prezidenti zaman-zaman baş nazirin fərmanlarının və təyinatlarının əleyhinə çıxır və müəyyən qarşıdurmalar yaranır. Ona görə də Ermənistanda gələcəkdə prezident-baş nazir qarşıdurmasının baş verməyəcəyini söyləmək çətindir”. Politoloq qeyd etdi ki, Dağlıq Qarabağ danışıqları baxımından Ermənistanda unikal vəziyyət yaranır: “Konstitusiya dəyişikliklərinə qədər danışıqlara Ermənistan prezidenti məsul idi. İndi isə prezidentin səlahiyyətləri azaldılacaq. Demək, mümkündür ki, danışıqlarda Ermənistanı prezident yox, səlahiyyətləri artırılan baş nazir təmsil etsin. Doğrudur, böyük ehtimalla Azərbaycan prezidenti ilə yenə də Serj Sərkisyan görüşəcək. Ancaq bu dəfə o, parlamentin rəyini də nəzərə almalıdır. Əgər əvvəllər Serj Sərkisyan prezident kürsüsünə istinad edərək hər hansı razılaşma ətrafında qərar verə bilirdisə, bu dəfə parlamentdəki qüvvələrin rəyini nəzərə almaq məcburiyyətində qalacaq. Bunun danışıqlara elə bir ciddi təsiri olacağını düşünmürəm. Onsuz da Serj Sərkisyan və ya ondan əvvəlki prezident Robert Köçəryan danışıqlarda heç bir real addım atmadılar. Baş nazirin də işğalçı siyasətdən vaz keçəcəyini düşünmürəm. Sadəcə, parlament tez-tez yeni baş nazirdən Qarabağ danışıqları ilə bağlı hesabat tələb edəcək və baş nazir hər dəfə deputatları məlumatlandırmalıdır. Bunu rəsmi Bakı da nəzərə almalıdır. Mənə elə gəlir ki, Azərbaycan parlamenti də il ərzində bir neçə dəfə danışıqların gedişatı haqqında məlumatlandırılmalıdır ki, qarşı tərəf bu məsələdə üstünlük qazanmasın”. Bu arada S.Sərkisyanın namizəd göstərdiyi səfir Londona qayıtdı. O bildirib ki, düşünüb qərar verəcək. Ortaya sual çıxır, səfir niyə tərəddüd edir? Ermənistanın mövcud durumuna görə, yoxsa Rusiya və ya başqa ölkələrdən dəstək almaq istəyir? Yəni Aram Sərkisyan Rusiyanın da namizədidir, yoxsa Moskva hazırkı baş nazir Karen Karapetyanı müdafiə edir? E.Şahinoğlu: “Əlbəttə, Ermənistanda prezidentin və baş nazirin kimliyi Moskva ilə qeyri-rəsmi şəkildə razılaşdırılmalıdır. Çünki Ermənistan tamamən Rusiyadan asılıdır. Ancaq hesab etmirəm ki, prezident Qərb ölkələrinin birində çalışan səfir olacaqsa, Moskva mütləq onun əleyhinə getməlidir. Ona qalsa, Ermənistanın hazırkı xarici işlər naziri Edvard Nalbəndyan bu vəzifəyə Fransadakı səfir postundan gətirilmişdi. Hardan gəlirsə-gəlsin, Moskvaya itaət etməlidir və hakim partiyada və diplomatik korpusda hər kəs bu amillə hesablaşır”. Politoloq qeyd etdi ki, S.Sərkisyanın hakimiyyət bölgüsü Moskvada təsdiq olunmalıdır: “Kim bilir, bəlkə Moskva Karen Karapetyanın prezidentliyində israr etdi və ya onun baş nazir kimi davam etməsinə üstünlük verdi. Ona görə də Sərkisyan 3 mərhələ keçməlidir. Birinci mərhələ prezidentin və baş nazirin kimliyini müəyyənləşdirməlidir, ikinci mərhələdə Moskvanın bu təyinatlara razılığını almalıdır, üçüncü mərhələdə həmin şəxsləri seçdirməlidir”. Politoloq Arzu Nağıyev isə əməkdaşımıza bildirdi ki, kimin prezident olması Sərkisyan üçün çox önəmli və vacibdir: “Onun əsas namizəd kimi göstərdiyi Armen Sərkisyan Böyük Britaniyada səfir, geniş biznes imkanlarına malik, Avropanın aparıcı siyasətçiləri ilə münasibətləri olan şəxsdir. O, Ermənistanın baş naziri olub və siyasi və iqtisadi problemləri bilən şəxsdir. Yəni hazırkı prezident Armen Sərkisyanı dövlət başçısı kürsüsünə əyləşdirməklə ilk növbədə Rusiyaya Avropaya meylli olmaqla bağlı bir ismarış göndərir və daxili ictimai rəyə təsir edəcək bir addım atır. Eyni zamanda Armen Sərkisyanın ”Qarabağ klanı"ndan olmadığını qabardır. Baxmayaraq ki, seçki öncəsi oynanılan kart əlbəttə ki, “Qarabağ kartı”dır. Bundan başqa, Rusiya və onun sərhəd qoşunları və bazaları ilə bağlı verilən bəyanatları da bunun bariz sübutudur". Hazırkı baş nazir Karen Karapetyanın necə davranacağına gəldikdə, A.Nağıyev bunları söylədi: “O, birmənalı şəkildə Rusiyanın ”adamı"dır və təbii ki, Kremlin siyasətini yürüdən və həyata keçirən şəxs olacaq. Maraqlısı odur ki, martın 2-də kimin prezident olmasından asılı olmayaraq, aprelin 9-da artıq baş nazir məsələsi də həll edilməli və əsas səlahiyyətlər ona verilməlidir. Zənnimcə, kimin seçilməsindən asılı olmayaraq, Sərkisyan rejimi saxlanılacaq və Dağlıq Qarabağ məsələsində status -kvonun qorunması üçün müvafiq addımlar atılacaq. Armen Sərkisyan da bunu başa düşür və nəyin nə ilə əvəz edilməsinin fərqindədir, imtina məsələsi də ona görə gündəmə gəlib. Bütün təhlillər göstərir ki, Ermənistan hakimiyyəti bugünkü rejimi saxlamaq niyyətindədir və Rusiya da onu dəstəkləyir". “Yeni Müsavat”
« geriirəli »

Köşe Yazarları
 ‹ 
 › 

Arxiv Axtarın
- -
Sorğular
Saytimiz necedi xosunuza gelir?
Super
Eladi
Normal
Yenilensin

yeni xeberler,xeber oxu,xeberler,maraqli xeberler
© Copyright 2013 yeni xeberler,xeber oxu,xeberler,maraqli xeberlerDiqqet!! saytda yayimlanan her bir melumatlara gore saytin sahibi mesuliyyet dasiyir m
GÜNDEM
SPOR
SİYASET
EĞİTİM
DÜNYA
2 3 4 5 6